2011/05/31

Mingainak martxan jartzeko aukera Elizondon


Datorren ekainaren 4an, larunbatarekin, Mintza Eguna ospatuko dute Elizondon. Urtean zehar astero astero euskara elkarteak medio mingainari eragin eta euskaraz hitz egiteko bildu direnek festa izango dute Elizondon.

Egitaraua ikusteko, handitu argazkia edo egin klik hemen.

Read more...

2011/05/30

Gora txikiak eta txikitasuna! Abaltzisketan dugu hitzordua


Aurten ere eskualdean izango dugu Eskola Txikien Festa. Lehenengoa Bidegoianen izan zen, 1988an; iaz Altzon izan zen; eta aurten, Abaltzisketan, ekainaren 12an. Eta tartean beste asko ere eskualdean izan dira.

Gipuzkoako Eskola Txikien webgunean informazio ugari jarri digute aurtengo festaz eta Abaltzisketaz: eskolaren istorioa, aldez aurreko ekintzak, eskola berriaren inaugurazioa...

Onena zuk zerorrek ikustea da: egin klik hemen.

Eskola, auzo eta herri txikiak bizirik! Gora txikiak eta txikitasuna!

Read more...

Hizkuntz eskubideei buruzko simposiuna antolatu du Behatokiak


Behatokiak Hizkuntza-eskubideen aitortzarako eta defentsarako estrategiak izenburupean nazioarteko II. Sinposioa antolatu du Donostiako Miramar jauregian, ekainaren 8an eta 9an.


Bertan, hizkuntza-komunitateek beren eskubideen aitortzarako eta bermerako nazioarteak zer-nolako tresnak sortu dituen aztertuko da, baita beste hizkuntza-komunitate batzuetako gizarteak hizkuntza-eskubideen babeserako abian jarritako dinamikak eta ekimenak ere.

Informazio gehiago nahi baduzu, egin klik hemen.

Read more...

Aurtengo UEMA Eguna Bergaran izango da, ekainaren 4an



Aurtengo UEMA Eguna Bergaran egingo dute, ekainaren 4an. Aurkezpenean, Udalerri Euskaldunen Mankomunitatea, Bergarako Udala eta Jardun euskara taldea izan dira, eta hirurek nabarmendu dute egun berezia izango dela.

Ekainaren 4rako, egun osoko egitaraua antolatu dute, haur, gazte nahiz helduentzat: kantu animazioa Kantuzaleen Elkartearekin, herri bazkaria, erromeria eta Gozategi Anaien kontzertua gaztetxean! Leloa "Gure hizkuntzak har dezan arnas" izango da.

Informazio gehiago nahi baduzu, egin klik hemen.

Read more...

2011/05/26

Jaurlaritzaren diru laguntzak euskara sustatzeko: nola dago botila?


Jaurlaritzak euskara sustatzeko diru laguntzen berri eman du hedabideetan, eta kopuru hutsek ez bero eta ez hotz utzi gaitu. Zer pentsatu behar dugu, asko dela, gutxi dela, gehiegi dela, gutxiegi dela?


Ildo horretan, oso aproposa iruditu zaigu Koldo Castañedak Twitter bidez egindako iruzkina:

"Zer azpimarratu, zer izan: %2,7ko murrizketa edo 12,5 milioi gastatu euskara sustatzeko".

OHARRA: Argazkia IKZtik atera dugu.

Read more...

Sarean nabigatzen: ingelesak harrapatuko al gaitu?


Ingelesez ia euskaraz adina nabigatzen dugu Euskal Autonomia Erkidegoan, Eustatek jakitera emandako datuek diotenez.


Datu horien bidez jakin dugu zer hizkuntzatan nabigatzen dugun (milakotan):

- Gaztelaniaz 1.061,4
- Euskaraz 226,8
- Ingelesez 206,9

Euskarazkoak gora egitea zure esku dago; izan ere, nabigatzailea euskaraz jartzea uste baino errazagoa eta onuragarriagoa da. Ez zaitez azkena izan!


Read more...

2011/05/23

Gidabaimenaren azterketa praktikoa euskaraz: esperpentoa bai, irtenbiderik ez


Semaforoak Joxe Luis Iturriotzi egindako elkarrizketak soka luzea ekarri du: besteak beste, gidabaimenaren azterketa praktikoa euskaraz egiteko trabek Argia aldizkarian ere izan dute tokia, Unai Brearen eskutik.

Erreportajeak izenburu hau du: "Hizkuntz eskubideak atzera-matxan". Erreportajean, Gipuzkoako eta Bizkaiko egoeren berri eman dute: Trafikoko arduradunek ez dute irtenbiderik ematen.

Irakurtzen jarraitzeko, egin klik hemen



Egoera esperpentikoen berri ere izan dugu Argiari esker; izan ere, garai batean itzultzaile bat jartzen zuten autoaren barruan, irakaslearen aginduak gaztelaniaz euskarara itzultzeko. Horrela jaso dute pasadizoa erreportajean:

- "“Durangaldeko autoeskola bategaz hasi ginen historia honetan”, gogoratu du Zuluagak [Unai Zuluaga Igoreko autoeskolakoa], “hura autoeskola handia zen eta azterketa euskaraz egingo zutela abisatuta bidaltzen zituen ikasle batzuk. Zuzendaritzak, ikasle haiei, itzultzailea ipintzen zien auto barruan. Imajinatu egoera: ‘a la izquierda’ aztertzaileak, ‘ezkerretara’ itzultzaileak. Ilogikoa zen”.

Artikulu oso a irakurtzeko, egin klik hemen.

Oharra: Argazkia Argiako artikulutik hartu dugu.

Read more...

2011/05/20

Hauteskunde programak euskaraz bizi nahi dugunon mesedetan?


Semaforokide batek honako mezu hau bidali digu:

Kaixo denoi!!!

Hauteskundeak direla eta, Bittor Hidalgo irakasleak hausnarketa oso polita argitaratu du Azpeitiko Euskara Patronatuaren webgunean. Guk www.aldabataria.net webgunera, Zarautz zein Euskal Herriko euskaltzaleon topagunera, ekarri dugu testua oso-osorik. Egoki badatorkizue, irakurri lasai-lasai Bittorrek esandakoak, eta eman lasai iritzia. A, eta esan beharrik ez da: mezu hau zuen ingurukoen artean zabalduz gero, askoz hobe!

http://www.aldabataria.net/2011/05/16/nolakoa-behar-luke-euskaraz-bizi-nahi-dugunontzat-hauteskunde-programa-batek/

ESKERRIK ASKO!

Read more...

2011/05/18

Euskarak zein politika behar du Tolosan? Zer dute esateko Tolosako alkategaiek?



Galtzaundik Tolosako alkatetzara aurkeztutako alderdiak elkartuko ditu, “Euskarak zein politika behar du Tolosan?” galderari erantzun emateko.

Hitzordua
ostegunean izango da, maiatzaren 19an, 19:00etan, Tolosako Musika Eskolan (Rondilla kalea, 46 B).

Moderatzaile lanetan Jon Miranda arituko da, eta hizlariak hauek izango dira: Iñaki Irazabalbeitia (Aralar), Ibai Iriarte (Bildu), Jokin Azkue (EAJ-PNV), Javito Telleria (Hamaika Bat), Pello M. Atxukarro (PP) eta Jose I. Asensio (PSE-EE).

Read more...

2011/05/16

Zenbat notiendotar daude hautes zerrendetan?


Zenbat noentiendotar daude herriz herriko hautes zerrendetan? Zenbat izango dira zinegotzi edo alkate?

Zer egin dezakegu notientiendotarren aurrean?

Read more...

Politizazioaren alde (Lore Agirre)



Euskara eta euskaldunak despolitizatu egin behar al dugu? Edo, alderantziz, politizatu? Horren gainean aritu da Lorea Agirre Berrian, "Politizazioaren alde" artikuluan.

Hona hemen artikuluaren pasarte mamitsu batzuk:

Irakurtzen jarraitzeko, egin klik hemen


- "Euskarazko kulturaren eta hizkuntzaren alde, guztiaren gainetik, egin beharreko politikak aldarrikatu eta egiteko prest dagoen alderdirik ba al dago?"

- "Proposamen batzuk: zein alderdi dago prest kulturaren sailburutzaren ordez euskal kulturaren (euskarazko kultura, oraindik ere despistatuta egon daitekeenarentzat) sailburutza bat sortzeko? Milioi bat euroko diru laguntza urtero banatzeko euskaraz sortzen den kulturan? Euskarazko hedabideak bideragarri izan daitezen beharrezko baliabide ekonomikoak jartzeko? Zerainen edo Errezilen udal etxebizitzetara sarbidea izateko euskalduna izan edo euskaldundu beharra legez eskatzeko? Lan publiko guzti-guztietan elebitasuna galdegiteko? Horretarako prest den alderdirik baden ez dakit".

- "Ezta bozkatzailerik ere. Prest gaude horiek edo antzekoak eskatzeko?"

- "Ez da denbora asko Koldo Izagirre idazleak hitz argigarriak izan zituela afera honen inguruan. Euskarak eta euskaldunek «aurrerapauso bat» eman behar dutela adierazi zuen, «eragin politiko zuzena» izateko. «Badakit hizkuntzak ez digula ematen programa politiko bat. Baina ezin gintezke esperoan egon: froga franko dauzkagu harresi baten barruan gauzkatela jakiteko. Profita dezagun horixe bera euskara indar politikoa bihurtzeko. Euskara despolitizatu behar dela hainbeste entzuten dugun uneon, euskarak politikan sartu behar du, bera, bere buruz, bere gain, ez bestek eramana».

Artikulu osoa irakurri nahi baduzu, egin klik hemen.

OHARRA: Argazkia Zuzeutik atera dugu.


Read more...

2011/05/12

Zer daukate esateko Tolosako talde politikoek euskarari buruz?





Hauteskunde kanpainaren zirimola hasi da, eta non geratzen dira euskararekin lotutako gaiak?

Galtzaundiren aldizkariaren azken alean, Tolosako alderdi politikoei euskararen gainean galdetu diete, eta erantzunak aldizkarian dituzue. Aldizkaria ikusteko, egin klik hemen (PDFa).

Galtzaundik hitzordua egin du eurekin maiatzaren 19an, 18:30ean, Tolosako Musika Eskolan.

Euskal Herrian Euskaraz taldeak ere iritzi plazaratu du hauteskundeetan euskarak izan behar duen garrantziaz. Euren iritzia ikusteko, egin klik hemen.

Read more...

2011/05/09

Munduoro euskaraz edo mundu "floro" euskaraz? (Martin Kitto)


Martin Kitto Semaforoaren lagunak hasnarketa hau bidali digu, Jaurlaritzaren "Munduoro euskaraz" kanpainari buruz. Martinek "mundu floro" izendatu du kanpaina. Hona hemen zergatik erabili duen deitura hori:

"Harriduraz eta kezkaz ari naiz ikusten Jaurlaritzak bultzatutako "Munduoro euskaraz" kanpainak ez duela ia kritikarik eragin. Izena ere esanguratsua du kanpainak: "Munduoro euskaraz. Abierto al mundo". Euskaraz bai, baina gaztelania jarraian, legeak agintzen duen elebitasunari jarraiki.

Irakurtzen jarraitzeko, egin klik hemen

Iragarkiak telebistan, leloa kultur eta kirol ekitaldietan, material banaketa udaletan... Ez da gastu makala! Baina, gastuak gastu, zein da kanpainaren mezua? Niagarako ur-jauzietan euskarazko kartela, Hong-kongeko hiriko kartel festan Joxean harategiaren kartela (bai, horrelaxe, euskaraz: JOXEAN HARATEGIA), eta beste hamaika irudi surrealista.

Zer mezu helarazi nahi digute irudi horiekin? Kritika bakarrenetako Joxe Agustin Arrieta idazleak egin du. Hauxe utzi digu idatzita "Mea culpa-rik ez" artikuluan: "Aurreko "Ukan" birusaren pixka bat es mucho-keriaren horteradatik oraingo "Munduoro euskaraz"-ez lotsagabekeria inozora pasatu gara -"Ileapaindegia non eta Samien herria, "Etxea" non eta Venezian-".

Emakumeek askotan kritikatzen dute "emakume floreroen" erabilera. Euskaldunok, ez: ez ditugu kritikatzen "euskararen alde" egiten diren kanpaina "floreroak", eta hori, ez kritikatzea, gauza tristea da, kritikarik gabe besteek esaten edo egiten dutena onartu besterik ez zaigulako geratzen.

Euskaldunon isiltasun konplize eta tristearen artetik, nik argi eta ozen hau esan nahi dut: "Mundu floro euskaraz", beste kanpaina "florero" bat euskara eta euskaldunak "floreroen" gisara erabiltzeko.

Tolosaldeko Euskararen Semafororako, Martin Kitto (marttinkitto3@gmail.com)".

Martin Kittok beste artikulu hauek ere argitaratu ditu sarean:

- Noentiendotarron dekalogoa
- Maixol Arregi, ETB1an azken mohikanoa
- Patxi Lopez, indarkeria, euskara eta asmatutako albiste bat

Read more...

2011/05/05

Zergatik jartzen diete gaztelaniazko grafia euskarazko abizenei?



Ismael Manterolak arte munduan euskarazko grafia duten abizenak gaztelaniaz jartzen direla salatu du, eta horrek zer hausnartua eman dio. Artikulua Berrian argitaratu du, "Abizenak" izenburuarekin. Hona hemen pasarte mamitsu bat:

Irakurtzen jarraitzeko, egin klik hemen

"Artea ez da hizkuntzarik gabeko esparrua, eta nagusi den hizkuntza gaztelania da (gure artean behintzat). Hain da nagusi gaztelania, ezen euskarara egiten diren itzulpenetan ere gaztelaniazko irizpideak hartzen baitiren, eta euskal grafiara aldatzea hainbeste kosta zaizkigun abizenak berriz ere gaztelaniara itzultzen baitizkiguten".

Artikulua irakurri nahi baduzu, egin klik hemen.

Oraindik abizenak euskaratu gabe dituzuenontzat, mezu bat: espabilatu, joan bake epaitegira eta euskaratu abizena! Zer egin behar duzun? Egin klik hemen.

OHARRA: Argazkia Agintzariko Euskara Batzordearen blogetik atera dugu.

Read more...

2011/05/03

Kepari gertatu zaiona ez al zaigu gehiegitan gertatzen?


Hizkuntza Eskubideen Behatokiak bideo hauek helarazi dizkigu.

Lehenengoa aurrerapena da, eta bigarrena Keparen istorioaren gaineko dokumental osoa.

Nori ez zaio gertatu noizbait Kepari gertatu zaion gauza bera?

Duintasun bidea from HIZKUNTZ ESKUBIDEEN BEHATOKIA on Vimeo.



Duintasun bidea. Euskara gaixo dago Osakidetzan from HIZKUNTZ ESKUBIDEEN BEHATOKIA on Vimeo.



Informazio gehiago nahi baduzu, Behatokiaren webgunean aurkituko duzu: egin klik hemen.

Read more...

2011/05/02

Semaforoak esana: "Ertzain hauek Herri Urratsera joan beharko lukete"


Horregatik Tolosaldeko Euskararen Semaforoak aparteko ahalegina egin du, euskaltzale guztiei dei egiteko Herri Urratsera joateko.

Semaforoaren Umore Onaren Batzordeak esketx bat grabatu du, eta esketxak arrakasta handia izan duenez, Herri Urratsen ondoren ere Semaforoan uztea erabaki dugu, Herri Urratsen arrakasta ospatzeko.

Esketxa entzun aurretik, ordea, albiste hau irakurtzea komeni da: Ertzaintzak telefono bidez itzulpenak egiteko zerbitzua bultzatuko du atzerritarrak artatzeko.

Hemen esketxa (entzuteko, sakatu hirukian):


Read more...

  ©Template by Dicas Blogger.