2011/01/26

LABek tren enpresetan ematen den euskararen diskriminazioa salatu du (LAB)



LAB sindikatuak prentsa oharra helarazi digu, eta Semaforoan tarte bat egin nahi izan diogu. Hona hemen LABek helarazitakoa:

- Gasteizko Gobernuaren Garraio Sailak EuskoTren zein Metro Bilbaon indarrean diren euskara planak ezabatu nahi ditu.
- Bi enpresotako azken lan eskaintzetan euskara jakitea derrigortzen duen baldintza kendu da.
- LABek enpresa hauetan euskarari egiten zaion eraso oro salatuko du.

Segi irakurtzen


LAB sindikatuak Gasteizko Gobernuaren Garraio Sailak kudeatzen dituen tren garraio enpresetan euskararekiko duen jarrera salatu nahi du publikoki.

EuskoTrenek bere administrazio kontseiluak 2002an onartutako Euskara Plana du indarrean, eta Metro Bilbaok 2008an sinatutako Hitzarmenean ere Euskara plana jasotzen da.

Zerbitzu publikoa eskaintzen duten bi enpresa hauetan Euskara Plana egon eta euskararen normalizazioaren aldeko urratsak egin diren arren, Iñaki Arriola eta Ernesto Gasco buru diren Gasteizko Gobernuaren Garraio Saila plan hauek bazterreratu nahian dabil, desagertu arte, bai bere eguneroko ezarketan, bai etorkizuneko negoziazio kolektiboetan. PSE euskara lan munduan baliogabeko bihurtzeko ahaleginean dabil, gaztelera jakiteari beharrezko eta derrigorrezko irizten dion bitartean. Euskara emeki-emeki akabatu nahian dabiltza.

Era berean, gaur egungo EuskoTren zein Metro Bilbaoko kudeatzaileek ez dituzte euskararen sustapen eta erabileraren gaineko enpresa hitzarmenak betetzen. Ezin ahaztu, aurreko administrazioarekin ere aipatu planak garatu gabe zirela.

Metro Bilbaoren kasuan, bi lan eskaintza daude, bata barne mailakoa eta bestea kanpo deialdia, eta hauetan ez da euskararen jakintza exijitzen, zehazki Erosketa eta Kontratazio zein Marketing buruzagitzarako eskaintzak dira. Beraz, ezin izango da hornitzaile eta bezeroekin euskara bidezko harreman normalizaturik bermatu, aipatu sailen arduradunak ez baldin badira euskaldunak.

Bestalde, EuskoTrenen indarrean da tranbia gidari, autobus gidari, mekanikari-neumatiko eta elektriko-elektroniko lan potsak osatzeko deialdia, eta oinarrietan ez da, Euskara Planak zehazten duen bezala, euskararen ezagutzarik eskatzen.

Honen guztiaren aurrean, LABek, bai Gasteizko Gobernuaren zein enpreson kudeatzaileen aurrean, euskararen normalizazioan atzera urratsak egiten ari direla nabarmendu nahi du, honako asmoekin:
- Hautaketa prozesuan iruzurra eta kontrola areagotzea,honek entxufismoa dakarrelarik
- Zerbitzu publikoen erabiltzaileen eskubide urraketa
- Euskal hizkuntzarekiko eta bere normalizaziorako lanarekiko mespretxua sustatzea.
- Langileok euskaraz lan egiteko (euskara ikasteko eta lanean erabiltzeko) eta lan harremanak euskaraz garatzeko ditugun eskubideen urraketa.

LABek uste du deialdi hauek ez direla legezkoak, beraz bertan behera utziak izan daitezen eskatzen dugu, Euskara Planen araberako deialdiak egin daitezen. Bestela, epaitegietara joko dugu, bertan behera gera daitezen.

Era berean, LABek Gasteizko Gobernu eta enpresen kudeatzaileei dei egiten die EuskoTren zein Metro Bilbaon egiten duten hizkuntza politika alda dezaten, bestela antzematen den hizkuntza diskriminazio oro salatuko dugula aurreratzen.

Bukatzeko, LABek gizarteari eta zehazki euskatzaleei dei egiten die egoera hau sala dezaten, aipatutako bi enpresa publikoetan euskararen gaineko araudia betea izan dadin".

Read more...

2011/01/19

Euskara eta telefono konpainiak (II): ezetz, denak ez direla berdin!





Sutan dago gure Semaforoa, telefono konpainien eta euskararen gaia dela eta. Inoiz baino erantzun gehiago izan ditugu, eta eztabaida handia sortu da.

Ekarpen asko izan ditugu, tartean Zaldieroaren zinta ere bai, Kepak bidalita. Handitu ezazu, hobeto ikusteko.


Guri iruditu zaigu oso ondo adierazten duela gehiegitan telefono konpainiekin gertatzen zaiguna.

Zuek emandako datuekin hasieran geneukan informazio osatu dugu. Albistea ikusteko, egin klik hemen.

Read more...

Palindromo lehiaketa: burua astintzeko aukera ederra!


Hona hemen burua astintzeko aukera ederra: palindromo lehiaketa! Arrasate Euskaldun Dezagun elkarteak antolatu du, eta sari goxoak eskaini.
Palindromoa ezkerretik eskuinera eta eskuinetik ezkerrera berdin irakurtzen den hitz, esaldi edo zenbakia da; euskaraz, adibidez, "Nik enara neraman amaren aranekin" (Teresa Igeregik sortua).

Segi irakurtzen


Halako lehiaketen aurrekaria aspaldikoa da, 1923koa. Ebaristo Kirikiño idazleak antolatu zuen, Euzkadi egunkariaren orrietatik. Bi hilabeteotan 150 palindromotik gora jaso omen zituzten.

Parte hartu nahi baduzu eta nondik hasi ez badakizu, "Hitza azti" liburuaren aipamenera jo dezakezu.

Lehiaketan parte hartzeko epea otsailaren 11n bukatuko da. Informazio gehiago nahi baduzu, egin klik hemen.

Read more...

Aldaban gaztelaniaz eta Villabonan euskaraz: orain ere bai?


Gipuzkoako Hitzak, urtarrilaren 14ko alean, Margari Ezkurdia Tolosako Aldaba auzoko andereino izandakoari egin dio elkarrizketa. Elkarrizketa mamitsua, benetan. Hara zer dioen euskararen erabilerari buruz:

Segi irakurtzen

- "Gurasoak euskaldunak nituen, baina etxean gaztelaniaz hitz egiten zuten".

- "Aldabarrek gazteleraz ikasi nahi zuten eskolan, baliagarria baitzuten [...]. Hori bai, eskola amaitzean, oinetakoak kendu eta abarkak janzten zituzten bitartean, euskaraz hasten ziren; hura zen hizki salda!"

- "Aldaban gaztelera ikastea beharrezkoa zuten; Villabonan, berriz, euskara irakatsi behar genien [umeei], integraziorako baliagarria zelako"

Azken batean, Aldaban gaztelaniaz eta Villabonan euskaraz. Orain ere gauza bera gertatzen al da?

Read more...

Jaurlaritzakoek "Execuzio" idatzi dute kartel batean Ikaztegietan


Beste kartel akastun bat euskaraz! Zenbat dira dagoeneko? Oraingo honetan, Ikaztegietatik bidali digute "perlatxoa". Bertako CEP Ikaztegieta LHIn 4 ikasgela handitzeko obrak iragartzeko kartelean, goiko argazkikoa ikus dezakegu. Kartelak Jaurlaritzaren Hezkuntza, Unibertsitate eta Ikerketa Sailaren logoa du, eta eliza ondoan dago.

Marratxoak bi hitzen artean dantzan jarrita eta "execuzio" idatzita, ez dakigu negar edo barre egin behar dugun.

Zuk ere halakoak aurkitzen badituzu, hartu kamera, atera argazkia eta bidali semaforora (euskararensemaforoa@gmail.com).

Read more...

Sasi guztien gainetik, euskaldun eta burujabe (Euskal Herrian Euskaraz)


Euskal Herrian Euskaraz taldeak manifestazio nazionala deitu du otsailaren 12rako. Manifestazioa Donostiako Bulebarretik abiatuko da 17:00etan, Sasi guztien gainetik, euskaldun eta burujabe leloarekin. Lelo bera izenburu duen manifestua plazaratu du EHEk, atxikimendua eman nahi dutenen sinadurak jasotzeko.

Manifestua irakurri nahi baduzu, egin klik hemen.

Read more...

Jaurlaritzak 56.880,85 euro esleitu die eskualdeko udal batzuei euskaragatik




Eusko Jaurlaritzak 56.880,85 euroko diru laguntza esleitu die eskualdeko udalei, euskaren normalizazioaren aldeko ekintzengatik.

Hona hemen, ondo bidean, udalez udal jasoko duten diru kopurua:

Ikusi diru kopuruak udalez udal

1.- Villabona: 12.822,17 euro


2.- Tolosa: 10.710,49 euro


3.- Zizurkil: 6.212,42 euro


4.- Altzo*: 5.069,78 euro


5.- Anoeta*: 4.582,34 euro


6.- Amezketa*: 3.000,00 euro


7.- Alegia*: 2.988,96 euro


8.- Aduna*: 2.577,02 euro


9.- Irura*: 2.282,80 euro


10.- Asteasu: 1.791,46 euro


11.- Ikaztegieta*: 1.592,66 euro


12.- Belauntza*: 1.398,40 euro


13.- Baliarrain*: 769,30 euro


14.- Ibarra: 628,38 euro


15.- Orexa*: 454,67 euro



Asteriskoa dutenak Udalerri Euskaldunen Mankomunitateko kideak dira (UEMA).

Gu, Semaforoan, ez gara ausartzen diru kopuru horiek gehiegi, gutxiegi edo juxtukoak diren adierazten, eta horregatik jarri diogu semaforo laranja albisteari.

Read more...

2011/01/18

Euskararen etsaia, euskararen "zaindari" (Jon Gomez Garai)





Egurra ari dira jasotzen Jon Juaristi eta berau Jaurlaritzaren Euskararen Aholku Batzordeko kide izendatu dutenak.

Guri gehien gustatu zaigun hausnarketa Jon Gomez Garai gure facebookeko lagunarena da. Euskararen etsaia, euskararen "zaindari" izena du artikuluak, eta Juaristik euskararekin duen harreman "gorrotagarria" du hizpide.

Artikulua irakurri nahi baduzu, Sustatura jo dezakezu.

Read more...

2011/01/17

Dani Fano: "Euskaraz egiten den komikia ez da existitzen"


AEKren Aizu aldizkarian euskal komikigintzari buruzko hitz gordinak aurkitu ditugu Dani Fano komikigilearen ahotik.


"Euskaraz egiten den komikia ez da existitzen" esan du. Hala bada, gure semafororik gorriena merezi du euskarazko komikigintzak (argitaletxeak, irakurleak...).

Elkarrizketa osoa irakurri nahi baduzu, egin klik hemen.

Arrazoi al du Danik?

Read more...

2011/01/12

Zer pentsatzen du alemaniar batek euskaraz eta euskaldunoz?


Zer pentsatzen du euskaraz eta euskaldunoz alemaniar batek? Argia aldizkariak elkarrizketa egin dio Petra Elser alemaniar euskaldunari, eta interesgarria iruditu zaigu hark guri buruz duen ikuspegia Semaforora ekartzea. Euskara espetxean ikasi zuen, eta hara zer dioen, besteak beste:

Segi irakurtzen


"Bai, nik euskararekin ez dut hemengo jende askok daukan harreman traumatikoa. Alderantziz, hitz bakoitzak mundu bat eman zidan, eta eman zidan gaitasuna gauza bat esateko, jendearekin gauza gehiagori buruz hitz egiteko, testuak ulertzeko... Hasieran ez nuen ezer ulertzen, gero bat-batean hasi nintzen entenditzen... eta erabat ezezaguna zitzaidan zerbait hasi zen irekitzen, lehen niretzat existitzen ez zen mundu bat".

Elkarrizketa osoa ikusteko, jo Argiaren webgunera.

Horrez gain, Petrak Semaforoari Tolosan gertatutako pasadizo bat kontatu zigun, eta guk izenburu hau jarri genion: Zergatik ez zuen jakin behar euskaraz? Beltza zelako?

Read more...

2011/01/04

Telefono konpainiak eta euskara: denak ez dira berdin




Sarearen bidez, Lander Iruretagoiena ezagutu dugu, eta oso informazio baliagarria eman digu telefono konpainiek euskaldunoi ematen dizkiguten aukerei buruz. Semaforoaren beste lagun batzuek Landerrek emandako informazioa osatu dute.

Izan ere, konpainia guztiek ez dute berdin jokatzen euskararekin, Adibidez, Euskaltelek defektuz ele biz bidaltzen du faktura, batzuek euskaraz jasotzeko aukera ematen dute, eta beste batzuek ezta hori ere.

Zerrenda honetan ikus ditzakezu denoi esker bildutako datuak.

IKUSI ZERRENDA


MOVISTAR

Faktura euskaraz eskatzeko? Deitu 1004ra.

Irakurle batek esan digunez, Telefónicak eta Movistarrek ez dute arreta euskaraz eskaintzen.

EUSKALTEL

Eskaera eginten ez baduzu, faktura ele biz iristen zaizu.

Faktura euskaraz eskatzeko? Deitu 1717ra

Erantzungailua euskaraz jartzeko? Finkoetan, deitu 1201era, eta mobiletan 262ra (bietan doan)

Horrez gain, ahoz euskaraz egiteko, deitu 262ra

VODAFONE

Faktura euskaraz eskatzeko? Deitu 123ra.

Arreta euskaraz eskatzeko? Berez badago aukera, baina askotan ez da euskaldunik egoten.

YOIGO

Faktura euskaraz eskatzeko? Deitu 622ra

EROSKI MOVIL

Faktura euskaraz eskatzeko? Informazio kontraesankorrak jaso ditugu: irakurle batek esan digu ez dagoela modurik euskarazko faktura lortzeko, eta beste batek badagoela aukera 902540340ra deituta.

Beste telefono konpainia batzuk ere badaude, baina ez dugu haiei buruzko daturik biltzerik izan (Jazztel, Ya.com...).

Bestalde, mobilak euskaraz konfiguratzea ez dago konpainien baitan, modeloaren baitan baizik.

Eskertuko genuke denon laguntza okerrak zuzentzeko edo informazioa osatzeko (euskararensemaforoa@gmail.com).

Landerren bloga ikusi nahi izanez gero, egin klik hemen.

Read more...

Zazpi urteko haurra sar liteke edo ez?



Mezu hau bidali digu Aizbea Renteriak, Bermeotik:

Herenegun BECek dagoen umeentzako gabonetako parkera joan ginen, PINera. Bertan geziak jaurtitzeko txokora heldu ginen eta 7 urteko semeak jaurti nahi zuela esan zidan. Nik, kartela begiratu eta ezetz esan nion, 8 urte behar zirela. Egia esan ez nuen testua irakurri, zenbakiari baino ez nion erreparatu.

Segi irakurtzen


Baina gure umea euskaraz irakurtzera ohituta dago eta gainera bere begien parean zuen kartela (ikusi goialdeko argazkia): "8 urtetik beherakoentzako sarrera"



-Bai ama, nik sartu ahal dot.



Kartela arretaz irakurri eta baietz esan nion, barrura! Zer egingo nuen, ba? Benetan gaztelaniazkoa ondo dagoena dela jakin arren semearen aurrean euskarazkoari balioa kendu? Ezta pentsatu ere! Gainera, birritan jaurti zuen!



Arrazoi osoa duzu, Aizbea! Eta, zuek, kontuan hartu gure betiko aholkua: halakoak aurkitzen badituzu, hartu kamera, atera argazkia eta bidali semaforora (euskararensemaforoa@gmail.com).

Read more...

  ©Template by Dicas Blogger.