2010/05/31

"80 egunean" filmak uste baino ikusle gutxiago izan ditu lehendabiziko egunetan


Lau haizetara zabaldu dute "80 egunean" euskarazko filmari buruzko propaganda. Maiatzaren 21etik zine aretoetan dago, eta kritika oso onak izan ditu. Webgune dotorea ere sortu dute.

Istorioa ezagutuko duzue honezkero: bi andre helduren arteko maitasun harremana kontatzen digute. Dena alde izan arren, aurreneko egunetan uste baino ikusle gutxiago izan ditu pelikulak, ekoizleek jakinarazi dutenez.

Nork bere iritzia izateko eta joan edo ez erabakitzeko, ez da hoberik bistadizo bat ematea baino. Trailerra ikusi nahi baduzu, egin klik hemen. Eta filma ikusi duten iritzien berri izateko, egin klik hemen.


Read more...

2010/05/27

"Tolosa & CO" marka eleanitza? (II)





Tolosa & CO markarekin gertatutakoak soka luzea ekarri du sarean. Semaforoan egindako salaketak www.sustatu.com webgunean izan du oihartzuna, eta kritika kritikaren gainean jaso du marka berriak.

Read more...

2010/05/20

Hitzapasa, hiztegia lantzeko jokoa sarean


Hementxe da euskarazko Pasapalabra. Maite Goñi Ordiziako Jakintza Ikastolako eta EuskalJakintza blogaren sustatzaileak Hitzapasa sareratu digu: alfabetoko hizki guztiekin errosko bat osatzen dute, eta guk hizki bakoitzarekin hasten den hitza asmatu behar duzue.

Badago, beraz, teknologia berriekin euskara(z) ikastea eta gozatzea.

Egin proba! Seguru ondo pasako duzula! Egin klik hemen!

Read more...

Bertsolaritza sano dabil Alegian



Azken egunetan, hiru albiste on izan ditugu Alegian, bertsolaritzarekin lotuta:

- Herriko Bertso Eskolak diskoa kaleratu du, izen xelebre samarrarekin: "Hustukoixkiu!"
- Mikel Artola alegiar gaztea Osinalde Bertso Sariketaren irabazle atera da.
- Felix Irazustabarrenak Gipuzkoako Bertsozale Elkartean jarraituko du, lehendakari postua utzi eta idazkari postua hartuta. (Galtzaundi aldizkariaren 323. alean).

Semaforoak hirurak zoriondu nahi ditu. Zorionak eta aurrera!

Read more...

2010/05/19

Beste traba bat euskaraz bizi nahi dugunontzat


Jaurlaritzak, euskararen aurkako hizkuntz politikaren baitan, beste urrats bat eman du: administrarien lan eskaintza publikoko euskara eskakizunak jaitsi ditu. Hartara, aurreko lan eskaintzan baino langile gutxiagori eskatuko die euskara jakitea.

Horren harira, Udalerri Euskaldunen Mankomunitatearen Zuzendaritza Batzordeak iritzi artikulua argitaratu du, izenburu honekin: "Beste traba bat euskaraz bizi nahi dugunontzat". Hona hemen artikuluaren pasarte esanguratsuenak:

Segi irakurtzen



"Gaztelaniaz ez dakien inor ez du onartzen Jaurlaritzak, baina euskaraz ez dakitenak bai, eta horretan datza Jaurlaritzaren apustu estrategikoa. Administrazio elebidunean langile elebakarrak kontratatzen jarraituko dute, eta hori da Jaurlaritzak hizkuntzen estatus ofiziala berdintasunean ulertzeko duen modua".
"Azken batean, hemen, Euskal Herrian, hizkuntz gatazka bat dago, eta ez da erdaldunen eta euskaldunen artekoa, ezta Euskal Herrian erdaraz bizi nahi dutenen eta euskaraz bizi nahi dugunon artekoa, baizik eta euskaraz bizi nahi dugunon eta euskaraz bizitzen uzten ez digutenen artekoa. Eta, gatazka horretan, argi dago Jauirlaritza non kokatu den".

Artikulu osoa irakurtzeko, egin klik hemen.

Read more...

2010/05/18

TOLOSA & CO marka eleanitza?





Tolosako Igarondo eta Alde Zaharrak merkatari elkateak bategite prozesuan, herriko ostalaritza eta zerbitzuak batuko dituen marka berri bat sortu dute: TOLOSA & CO. Aurkezpenean egindako adierazpenen arabera, “hiru hizkuntza batzen dituen leloa da”. Tolosaco ere irakurri omen liteke.
Segi irakurtzen


Ez da aurreneko ingelesezko kutsua duten izenak erabiltzen direla horrelako ekimenetarako. Apirilean, Tolosako merkatariek, Stock & Braderie in Tolosa izeneko ekimena egin zuten.

Badira ingelesezko izena hartzen duten beste hainbat ekimen ere Tolosaldean. Udara partean esate baterako Gure Txokoa summer izeneko musika jaialdia egiten dute Berrobirako bidean dagoen garai bateko dantzalekuan.

ToPIC ere, dagoeneko barneratutako izena da, baina erderazko izena da Nazioarteko Txotxongilo Zentroak duena: Tolosa Puppetry International Centre.

Aurretik ere ezagunak ditugu, Tolosan eginak diren, World Kafea eta Tolosa Gourmet ekimenak.

Tolosa eta bere irudia zabaltzerakoan, gurea ez den hizkuntza lehenesten al da?

Euskarak ez al du balio salerosketarako, propagandarako?

Moderno itxurak eman nahian, nago ez ote ditugun inoiz baino pellokeri gehiago egiten.

Read more...

2010/05/17

Lehen, Herri Irratia; orain, berriz, Radio Popular




Txolarre Irratiko azken tertulian, Herri Irratiari eman genion semaforo gorria, eta ez gara operazio mediatiko-enpresariala euskararen kalterako izango dela salatu dugun bakarrak. Hona hemen Alberto Gartzia kazetariak Berrian egindako salaketaren pasarte bat:

Diotenez, uhin berrian ere jainkorik ez da faltako. Ez eta lege zaharrik ere. Diosalak kenduta, erdara garbian, por supuesto. Beti ere, antzinako diskoen modura, jabearen esanetara: hitz-aLa-pitz. Zeruan bezala, infernuan ere. In secula seculorum. Amen. Eta bego goian, non bestela, Herri Irratia.

Gutun guztia irakurtzeko, egin klik hemen.

Read more...

TOPICen aurkako kexa topiko bihurtu da


Tolosako TOPICen aurkako kexak eguneroko ogia bihurtu dira. Duela aste batzuk, Txolarre Irratiko tertulian salatu genuen lehiatilako langile baten jarrera, eta, oraingo honetan, Manex izeneko batek Hitzara eraman du salaketa: lehiatilan euskaraz galdetu eta gaztelaniaz erantzun diote.

Ikasiko ahal dute!



Read more...

2010/05/14

Asko ikasi dugu Amezketako Hizkuntz Eskubideen Tailerrean




Amezketako Kultur Astearen barruan, Hizkuntz Eskubideen Tailerra antolatu zuten, eta arrakasta handia izan zuen: 30 lagunetik gora bildu ginen. Paul Bilbaok dinamizatu zuen tailerra, eta, besteak beste, gure eguneroko bizitzan egiten dizkiguten hizkuntz eskubideen urraketez konturatzeko balio izan zuen saioak. Hona hemen saioan ateratako kontu batzuk:


Segi irakurtzen


- Hizkuntz eskubideen kontzientzia dute hizkuntz eskubideen urraketak jasaten dituztenak.


- Hizkuntz eskubideak lurraldetasunari lotuta daude: euskaldunok hizkuntz eskubideen jabe gara euskararen lurraldean; hau da, Euskal Herrian.


- Euskal Herrian berezko hizkuntzan jarduteagatik gertatzen diren urraketak hartzen ditu kontuan Behatokiak.


- Gaur egun, Euskal Herrian, hizkuntz eskubideak legez gaindi daude. Beraz, askotan gertatzen da hizkuntz eskubideen urraketa legezko urraketa izatea.


- Lege batzuk aitortzen dizkigute hizkuntz eskubide batzuk euskaldun batzuoi; beste lege batzuek, berriz, ez dute euskaldunon hizkuntz eskubiderik aintzat hartzen.


- Hizkuntz eskubidea norberarena da, eta ez erakunde publikoarena edo enpresa batena.


- Euskaldunak, eta, hedaduraz, euskal hiztunen komunitateak, eskubidea du Euskal Herrian euskara erabiltzeko, tokian tokiko legea edozein delarik ere.


- Urraketa guztiak dira larriak, baina eremu euskaldunetako urraketak nabarmenagoak dira, eta, askotan, kontrako jarrera sutsuagoa eragiten dute.


- Euskararen normalizazioa lortuko bada, modu mailakatuan izango da, eta, hor, eremu euskaldunek abanguardia izan beharko lukete, eta euskararekiko exijentzia maila koska bat gorago jarri.


- Urraketa askotan, urraketak ez ezik irainak, tratu zakarrak eta abar ere izaten dira.


- Ez da egia eramu pribatuan hizkuntz eskubiderik ez dagoela. Katalunian, adibidez, legea garatuago dago alde horretatik, eta estableziemendu komertzialetako hizkuntz eskubideak arautzen ditu.


- Larriena ez da urraketa bera, baizik eta urratzailearen inpunitatea eta horrek urratzailearengan eragiten duen oldarkortasuna.


Laburbilduz, tailerraren ondorioz, parte hartzaile baten hitz esanguratsuak ekarri nahi ditugu gogora: "Aurrerantzean, betaurreko berri batzuekin bezala hasiko gara errealitatea ikusten, orain arte ikustezinak diren urraketak ikusten hasiko gara-eta".


Read more...

2010/05/13

Billabonan euskaraz gozatu genuen Euskaraz Bizi Egunean



Ederki pasa genuen, ba, Billabonan, Euskaraz Bizi Egunean. Ehunka euskaltzale bildu ginen, eta giro onaz eta egitarau oparoaz gozatu genuen. Erraldoiak eta buruhandiak, haurren krossa, musika emanaldia, bertso-bazkari herrikoia, kale antzerkia...

Eta, nola ez! Aldarrikapena ez zen falta izan: Villabonan, Tolosaldean eta Euskal Herrian, euskaraz bizi nahi dugu!

Egunaren kronika eta argazkiak ikusi nahi badituzu, egin klik hemen.

Read more...

2010/05/12

21 enpresaren hizkuntz portaera aztertu du Adunako Udalak



Herriko enpresetan euskararen erabilera bultzatzeko aurreneko urratsa eman du Adunako Udalak. Izan ere, herri txikia izanagatik ere, enpresa ugari dago Adunan, eta udalak han ere euskararen aldeko neurriak hartzeko premia ikusi zuen. Galtzaundirekin sinatutako hitzarmenaren bidez eta Udalerri Euskaldunen Mankomunitatearen aholkularitzapean, 21 enpresek euskararekin zer-nola jokatzen duten aztertu du udalak.

Arantza Aburuza alkateak begi onez hartu ditu datuak, eta enpresen datuak biltzea aberasgarria dela iruditu zaio. Etorkizunera begira, zer-nolako diru laguntzak eman aztertzen ari da udala.

Informazio gehiago nahi baduzu, egin klik hemen.

Read more...

2010/05/11

DJ Bull, Iruratik Kazakhstanera!



Jon Gurrutxaga irurarra Euskal Herri osoan ezaguna egin zaigu, DJ Bull izen artistikoarekin. Musika bizilagun izanik, Euskal Herriko makina bat herri eta auzotan ibili da. Orain, nazioarteko jauzia egin eta Kazakhstango diskoteka batean hasiko da lanean.

Orain, nork esango du musika zirkuitu alternatiboa "lokalista" dela? Nor ausartuko da esatera euskarazko kultur zirkuituak ez duela aterabiderik? Nork esango du bide hori hautatzen duten sortzaileek merkatu handietarako sarbideak baztertzen dituztela? Nork esango die sortzaile horiei euskararekin ez dela urrutira iristen?

Informazio gehiago nahi baduzu, egin klik hemen.


Read more...

2010/05/07

Tolosaldeko Gida: baduzu zer hobetua!


Zizurkildar batek honako hau helarazi digu, Tolosaldean etxez etxe banatzen den gidari buruz:
"Tolosaldeko Gidan 50 orrialdetik 10 orrialde bakarrik daude euskaraz. Zum edizioa Legazpikoa da, eta Tolosaldera iritsi da, bertako euskarazko hedabideen aurka konpetentzian sartu da, eta, bertako, bertako hedabideak ez bezala, ez dago euskaraz."

Read more...

2010/05/06

Kutxazainek euskaraz ere funtzionatzen dute




Sarearen bidez lagun bat egin dugu. Lander Iruretagoiena du izena, eta bere blogean banketxe eta aurrezki kutxetako txartelak euskaraz nola jarri azaltzen du. Bederatzi entitatek aukera ematen digute txartela euskaraz jartzeko. Zerrenda ikusi nahi baduzu, egin klik hemen.

Oharra: Explorerrek arazoak ematen ditu esteka horietan. Estekak ikusteko, Google Chrome edo Mozilla Firefox erabiltzea gomendatzen dizuegu.

Read more...

2010/05/03

Euskara gutxi Arartekoarekin


Anoetar bat Semaforoarekin harremanetan jarri da, eta jakinarazi digu euskaldunok asko daukagula hobetzeko Arartekoarekiko hartu-emanetan. Hona hemen bere mezua:
"Errenta aitorpena euskaraz egiteko kanpainaren harira, administrazioarekin euskara erabiltzea zaila egiten zaigula onartu behar. Begiratu, bestela, Arartekoari zenbat kexa iristen zaizkion euskaraz: 1804tik 92 baino ez (%4,80). En fin, badugula zer hobetua."

Read more...

  ©Template by Dicas Blogger.