2012/04/26

Tolosaldeko eta Leitzaldeko alkateen ziztada jaso du Berria taldeak



Tolosaldeko eta Leitzaldeko 30 udalek euren babesa eman diote Berria komunikazio proiektuari, Berrilaguna kanpainari atxikimendua emanez. Agerraldia egin dute Tolosako kultur etxean, eta bertan bildu da alkateen ordezkaritza zabala, Martxelo Otamendi Berriako zuzendariarekin batera.

Bideoa ikusi nahi baduzu, Berria TBra joa dezakezu.

Hona hemen albiste honekin lotutako beste eduki batzuk:

- "Ziztadak edo euskalgintzaren pintxazoa?" (Patxi Gaztelumendik idatzitako artikuluaren aipamena, Semaforoan, 2012-01-20)

Read more...

2012/04/25

Eskola Txikien Festa aurkeztu dute. Larraulen izango da!

Eskola Txikien Festa ekainaren 3an izango dugu, Eskola txikien web gunean irakurri dugunez, eta berriro ere eskualdean: Larraulen! Aurten, gainera, 25 urte beteko dute eskola txikiek. Festari buruzko informazioa (egitaraua...) Gipuzkoako Eskola Txikien web gunean edo Larraulgo Eskolaren web gunean dituzue.

Guk, Semaforoaren hastapenetatik egin dugun moduan, txikia aldarrikatu nahi dugu, eta eskualdeko nahiz eskualdetik kanpoko jendea animatu nahi dugu ekainaren 3an Larraulera joan dadin.

Eskola txikiekin lotutako informazio gehiago nahi baduzue, hemen dituzue esteka interesgarriak:

- Gipuzkoako Eskola Txikien webgunea (egitaraua, egunaren aurretiko ekimenak...)

- Larraulgo eskolaren web gunea (prentsaurrekoaren bideoa, abestia...)

- "Txikitasunaz hitz handi batzuk" (Lorea Agirreren artikulua, Berrian, 2011-06-17)

- "Herri euskaldunak eta eskola txikiak" (Paula Kasaresen artikulua, Erabili.com-en, 2011-09-01)

Read more...

2012/04/24

Interneten gero eta kanpaina gehiago dago enpresei euskararen aldeko neurriak har ditzaten eskatzeko

Han-hemenka ugaritzen ari dira enpresek euskararen aldeko neurriak hartzea helburu duten kanpainak. Horietako batzuk jaso ditugu albiste honetan:

Segi irakurtzen


- Orona igogailu enpresak web gunea euskaraz jartzeko eskaera egiteko eskatu dute bi blogetan (horregatik argazkia), Aldabataria.net-en eta Euskaraz Ostia!-n. Biek ala biek nabarmendu dute Oronak egoitza nagusia Hernanin duela eta Arrasaten kokatzen den multzo are ezagunago baten partaide dela.

- Lander Iruretagoiena Semaforoarekin harremanetan jarri da, gogorarazteko kanpaina bat jarri zuela abian Travel Cluek informazioa euskaraz bideratzeko. Landerrek bidalitako mezutik hau nabarmendu nahi dugu:

Nahiz eta niretzat “arrakasta” izan 100 erantzunetik gora izatea, ez dut uste nahiko izango denik Travel-en parte hartzen duten enpresen hizkuntza politika aldatzeko (auskalo!).

Ez dakit zenbat erabiltzaile izango dituen txartel horrek EHn. Agian, 500.000? Eta horietatik, familia/norbanako euskaldun… demagun 150.000?? Eta horietatik euskaraz konfiguratua… suposatzen dut % oso txikia. Ez daukat ideiarik, baina ahalik eta gehien izatea beharko genuke.

- Guggenheimek antolatzen dituen bisitaldiak gaztelaniaz, frantsesez eta ingelesez soilik eskaintzen dituela ikusita, e-mail bidezko kanpaina bati hasiera ematea erabaki zuen Urtzi Odriozolak, eta bere izenean, mezua idatzi zion museoko arduradunari, eta euskarazko bisitaldiak egitea lortu du, aldabataria.net-en irakurri dugunez.

- IKEArekin ere bada lanketa: Euskaraz Ostia! blogean irakurri dugunez, eskaerak egiten ari dira Hiriburuko IKEAn euskararen aldeko neurriak har ditzaten. Semaforoan ere izan zenuten horren berri duela hilabete batzuk.

- Posta elektronikoz mezuak bidaltzea hutsala dela uste dutenentzat, gogorarazi nahi diegu Iberdrolak web gunea euskaratu zuela Semaforoak eta beste batzuek bideratutako eskaeren ostean. Kasualitatea?

Read more...

2012/04/23

Oihartzun handia ari da izaten "Aurten noraino?" kanpaina eskualdean


Oihartzun handia ari da izaten "Aurten noraino?" kanpaina eskualdean. Duela egun batzuk Semaforoan jakinarazi genuenez, kanpainaren helburua errenta aitorpena euskaraz egitea da, eta sustatzaileak 17 udal (horietatik 14 UEMAkoak), Galtzaundi eta Kontseilua dira. Kanpainaren arrastoan, hainbat ekimen egin dira; adibidez, Tolosako Udalak Beotibar frontoian, Usabal kiroldegian eta hiribusean jarriko dira iragarkiak.

Gainera, kanpaina Diputazioaren beste ekimen baterako ere baliatuko da: Diputazioarekiko harremanak euskaraz nahi dituztenen errolda sortzeko, Zigor Etxaburuak Berrian adierazi duenez.

Eskualdeko hedabideek kanpainaren berri jaso dute; esate baterako, Aiurrik, Galtzaundik (362. alean) eta Tolosaldeko Hitzak. Galtzaundiren web gunean ere jarri dute.

Txolarre Irratiak Tolosako Udalaren ekimenak bildu ditu, eta hemen duzu entzungai:


28 kanalak ere tartea eman dio albisteari. Bideoa ikusi nahi baduzu, hementxe duzu:


Read more...

2012/04/18

Baina euskaldunak ez al dira euskara dakitenak edo/eta euskaraz mintzo direnak?

 Mikel Asurmendik labur bezain gordin ekarri digu euskaldun hitzaren gaineko kontraesana, Argian duen blogean.

Asurmendik idatzitakoa irakurri nahi baduzu, egin klik hemen


Apirilak 11. 

Albisteak Euskadi Irratian. 

– “… Elena Arzak izendatu dute munduko sukaldari onena…”. 

Elena Arzak-en hitzak: 

– “…estoy muy contenta y emocionada, este premio es el trabajo de todo el equipo…” 

Segidan… Juan Mari Arzak aitak: 

– “Ez daukat hitzik, zoraturik nago. Munduko sukaldari onena, eta gainera euskalduna… (sic)”. 

P. S.: Elena Arzak, 2012 Premio Veuve Cliquot a la Mejor Chef Femenina del Mundo. 

Harluxet Hiztegi Entziklopedikoan begiratu dugu, eta, gure harridurarako, ez-euskaldunak ere (=euskaldunak ez diren euskal herritarrak) "euskaldun" hitzaren definiziopean sartzen dituzte:

euskaldun 

adj. eta iz. 1. Euskaraz dakiena, euskaraz mintzatzen dena. Euskaldunik baizik ez zen lekuan nengoela. 2. (hed.) Euskal Herriko biztanlea. Euskaldunok gehiegi erretzen omen dugu. • euskaldun alfabetatu. Euskaldun ikasia; euskaraz irakurtzen eta idazten dakiena. || euskaldun berri. Beste ama-hizkuntza bat izanik, euskara ikasi duena. || euskaldun zahar. Euskara ama-hizkuntza duen euskalduna.

Wikipedian, berriz, hau diote: 

Euskalduna Euskal Herrian bizi den jatorri ez indoeuroparreko Europako herria da, ezaugarri nagusi gisa euskara duena. Halaber, euskaldun euskal hiztunari deritzo. Hain zuzen, euskaldun hitzaren adiera arruntena hori da, «euskaraz dakiena». Euskal Herriko jatorrizko biztanleei euskal herritar edo egun gutxiago erabiltzen den euskotar deritze.

Izenak duena izana du, eta izena argi ez duenak... 

Read more...

2012/04/17

116 argazki. Herritarrek duzue giltza (AEK)


AEK-koak gurekin harremanetan jarri dira, "116 argazki. Herritarrek duzue giltza" kanpainari kanpainari zabalkundea eman diezaiogun. Kanpainaren helburuak AEK-k egiten duen lanaren berri ematea eta Nafarroako Gobernuaren politika salatzea dira. Hona hemen kanpaina aurkezteko testu laburra:

AEKn herritar asko, han eta hemen, euskara ikasten ari dira, euskaraz bizi nahi dute; Gobernuaren asmoa euskaltegiei arnasa ukatzea den arren. Argi dugu gure aberastasuna herritarrak direla eta, gainera, haiek dute giltza.

Kanpainarako hainbat euskarri dituzte. Bideoa ere badute: bideoa ikusteko, egin klik hemen.


Bloga ere badute. Gainera, kanpainaren nondik norakoak irakurri nahi badituzue, egin klik hemen eta jaitsi dokumentua (PDFa da).

Read more...

2012/04/12

"Musika airean" izan da "Euskaraz bizi nahi dut" film laburren lehiaketako irabazlea


“Musika airean” du izena, Kontseiluak antolatutako Euskaraz bizi nahi dut lehiaketaren film labur irabazleak. Guztira, 25 lan aurkeztu dituzte. "Musika airean" film laburra David Berruesek egin du, eta euskaraz bizitzeko nahia hedatzea eta biderkatzea posible dela erakusten du.

Horretarako, Mikel Laboaren doinuaz baliatzen da David. Film laburrak 02:48 irauten du, eta hementxe duzu ikusgai:
Musika airean (lehen saria) from Euskaraz bizi nahi dut on Vimeo.

Beste bi film sarituak ikusteko, egin klik hemen.

Read more...

2012/04/11

"Aurten noraino?": Abian da errenta aitorpena euskaraz egiteko kanpaina


Abian da "Aurten noraino?" kanpaina, errenta aitorpena euskaraz egiteko kanpaina. Tolosaldeko 17 udalek, Kontseiluak eta Galtzaundik sustatu dute kanpaina, bi helbururekin: batetik, errenta aitorpena euskaraz egiten dugunak gero eta gehiago garela jakinaraztea, eta, bestetik, herritarrak aitorpena euskaraz egitea bultzatzea. Argazkian dituzu sustatzaileetako batzuk.

Aitorpena euskaraz egiteko zer egin behar den jakinarazteko, 11.000tik gora esku-orri eta 370etik gora kartel banatu dituzte eskualdean. Esku-orria ikusteko, egin klik hemen (PDFa da).

Horrez gain, Gipuzkoako Foru Aldundiak aurten errenta aitorpeneko kanpaina baliatuko du, Diputazioarekiko harremana euskaraz egin nahi dutenen errolda osatzeko, eta hori ere kanpainaren indargarri izango da.

Tolosaldeko Hitzak ere jaso du berria. Albistea irakurtzeko, egin klik hemen.

Read more...

2012/04/03

Alkizako eskola txiki geratu da hainbeste umerentzako


Txolarre Irratiaren bidez jakin dugunez, Alkizako Belerupe Guraso Elkarteak salatu du herriko eskola txiki geratu dela herrian dauden umeentzako. Jon Umerez Alkizako alkateak eman du egoeraren berri. Aspalditik ari dira harremanetan Eusko Jaurlaritzaren Hezkuntza Sailarekin eskola berritu eta zabaldu ahal izateko. Gorabehera batzuk izan ondoren, herrian eskola berria egiteko proiektua osatua dute, eta hori aurkezteko eta adostasunetara heltzeko asmoarekin gerturatuko dira Lakuara datorren hilean.

Bien bitartean Guraso Elkarteak salatu du lehenbaiehen eman behar zaiola irtenbidea gaur egungo egoerari. Izan ere, hamaika urte bitarteko umeak lau gelatan banatuta daude, irakasleek euren bulegorako ia tokirik ez daukate eta eskolako zenbait ekintza Udalak utzitako beste lokaletan egin behar izaten dituzte. Jon Umerez, Alkizako alkateak eman du egoeraren berri. Hona hemen Txolarren egindako elkarrizketa:

 

Read more...

2012/04/02

Aste Santuko oporraldiaren aurretik solasaldia egin dugu Txolarre Irratian



Aste Santuko oporraldiaren aurretik, Semaforoko kide batzuk solasaldia egin dugu Txolarre Irratian. Hona hemen jorratu ditugun gaiak:

- Gipuzkoako Foru Aldundiak iragarri duen asmoa, Diputazioarekin euskara hutsez jardun nahi dutenekin errolda sortzeko:



- Euskara eta ingelesa dakiten elebidunak behar ditugu? galderatik abiatu eta Euskal Herrian gaztelaniarik edo frantsesik gabeko hizkuntz komunitateak sortzeko aukerez eta arriskuez jardun dugu:


- Alegian euskara doan ikasteko esperientzia pilotuaz ere jardun dugu, eta auzolana goretsi dugu:


- Jaurlaritzaren testu itzultzaileak barregura edo negargura eragiten digun izan dugu hizpide, eta hizkuntz normalizazioan diru publikoa nola erabiltzen den kritikatu dugu:


- Euskaraz Bizi Eguna ere gogoratu dugu, eta Sustatuk jasotako polemika ere ekarri dugu gogora:




Read more...

Euskal Udalekuek beren eskaintza helarazi digute



Euskal Udalekuetatik mezua bidali digute:

Aritz naiz, Euskal Udalekuetako kide bat. Zabaldu berri da Euskal Udalekuetan izena emateko epea, eta Tolosaldean ere horren berri eman nahi genuke. Sobera ere badakigu Tolosaldean euskaltzale askok bisitatzen duela zuen bloga, eta horrexegatik idazten dizuet. Posible izango al litzateke zuenean Euskal Udalekuen berri ematea? Atxikita bidali dizkizuet dokumentu batzuk.

Hona hemen bidali dizkigunak:

- Udalekuen liburuxka. Deskargatzeko egin klik hemen. (PDFa)
- Entzunezko iragarkiak:




Read more...

  ©Template by Dicas Blogger.