Herri euskaldunetan hautagai euskaldunak sartzeko eskatu die UEMAk partiduei

Datorren urteko udal hauteskundeak hizpide nagusi diren honetan, garrantzitsua iruditzen zaigu zerrendetan hautagai euskaldunak sartzeko ekimenen berri ematea. Udalerri Euskaldunen Mankomunitatearen Zuzendaritza Batzordeak alderdi politikoei eskatu die udalerri euskaldunetan hautagai euskaldunak sartzeko, "Hau ez da Olentzerorentzako gutuna" izeneko idatzian.

Ez dira gaia gizarteratzen saiatu diren lehenengoak: Iñaki Arruti Lasarte-Oriako Udaleko euskara teknikariak ere izan du hizpide gai hori, "New Yorkeko taxi-gidariak eta Gipuzkoako zinegotziak" artikuluan.

Lortuko al dugu Tolosaldeko hautetsi guztiak euskaldunak izatea? Nola?

Read more...

Lehen hitzetik zerbitzua euskaraz... Tolosan ere bai

Kontseiluaren Euskalgintzaren maparen bidez jakin dugunez, Kontseiluak abian jarritako Lehen Hitzetik Zerbitzua Euskaraz eragite-ekintza Tolosan burutzen ari dira, bertako euskalgintzako eragile ezberdinekin batera (Galtzaundi euskara taldea, Ikastetxeak, euskaltegia, Udaleko euskara zerbitzua,...).
Irailaren amaieran, Tolosako dendarien elkartearekin elkar-lanean (Tolosa&Co), euskara ezagutzaren behaketari ekin zitzaion. Orain gutxi berriz, Hirukide, Orixe eta Laskorain ikastetxeetako ikasleek erabilpenaren behaketa egin dituzte Tolosako dendeetan. Hauentzat esperientzi erakargarria eta aberasgarria izan da. Epe laburrean, 1HZE kanpainari azken bultzada emango diogu Tolosan.

Read more...

Nolako pediatra nahi dugu? Euskalduna? Kalitatezkoa? Euskalduna eta kalitatezkoa?

Euskal Herriko Lehen Mailako Pediatra Elkarteko lehendakariak El Correon argitaratu zituen adierazpenek (gaztelaniaz) soka luzea ekarri dute. Adierazpen horietan, pediatrei administrazioko euskara mailarik baxuena jarri behar zitzaiela zioen, oraingo hizkuntz eskakizunak pediatra askori kalte egiten diolakoan.

Horren harira, Osasungoa Euskalduntzeko Elkargoak, Udalerri Euskaldunen Mankomunitateak eta Kontseiluak erantzuna eman dute, eta, besteak beste, salatu dute zenbait hedabidek maltzurki euskararen eskakizuna eta asistentzia sanitarioaren kalitatea kontrajartzen dituztela. Hau da, beste hitz batzuetan, idaia hau helarazi nahi digutela: euskarazko zerbitzua ez dela kalitatezko zerbitzua, eta kalitatezkoa ez dela euskarazkoa.

Agiri osoa irakurtzeko, jo erabili.com-era. Argazkia ere erabili.com-etik atera dugu.

Read more...

ETB3: semaforo berdetik semaforo gorrira?

ETB3 zoriondu egin genuen zinema jatorrizko hizkuntzan eta euskarazko azpitituluekin ematen hastea erabaki zutelako.

Kalitatea beste kontu bat da. Portugaleteko Andoni Casalesek "Klass" filmeko azpitituluak "negargarriak" izan zirela salatu du Berrian.

Inork ikusi al du halako filmerik? Zer iruditu zaizue? Ondo legoke zure iritzia besteoi jakinaraztea Semaforoaren bidez. Idatziguzu: euskararensemaforoa@gmail.com.

Read more...

20.000 Korrika laguntzaile lortu nahian dabil AEK

Korrika laster etorriko da, eta AEK 20.000 mila laguntzaile lortu nahian dabil. Edurne Brouard Korrikaren arduradunaren hitzetan, "Korrika laguntzeko modu asko dago, baina guk, gaur, bereziki bi nabarmendu nahi ditugu, batetik jada martxan jarri ditugulako, eta bestetik oso garrantzitsuak direlako, batetik Korrika Laguntzailea kanpaina, eta bestetik Korrika materiala".

Laguntzaile txartelak, jantziak eta salmentarako gainerako materiala euskaltegietan eta denda jakin batzuetan daude salgai.

Informazio gehiago nahi baduzu, AEKren webgunera jo dezakezu.

Read more...

Berria ez bazara ere, Berria izan zaitezke

Berria eta Hitza harpidedunak egiteko eta produktu berriak zabaltzeko kanpaina egiten ari dira, eta, horretarako, webgune bat ireki dute: zuzaraberria.info.

Gainera, 15 egunerako doako harpidetza ere eskaintzen dute. Berria izan nahi duzu?

Read more...

Gu ere txapela buruan eta sarean ibiltzen

Sarean Tolosaldea eta euskara lotzen dituen webgunerik aipatzen hasiz gero, ezinbestekoa da Bedaio eta Txarli Gesteira nabarmentzea. Galtzaundiren 333. alean "Txapela buruan, ta ibili sarean" argitaratu du, eta webgunean ere jarri du artikulua. Hamaika gauza ditu hizpide: Umap.eu berrikuntza, "Gaurko Hitza" bloga, Berriketan sare soziala...

Gu "berde" samar gaude teknologia berrien arloan, baina ari gara ikasten, Txarliri eta beste batzuei esker. Ari gara ikasten, eta, gainera, euskaraz.

Eskerrik asko, Txarli!

Read more...

Ezabaketa Astea azaroaren 20tik 27ra (EHE)

Euskal Herrian Euskaraz taldeak deituta Ezabaketa Astea izan dugu, azaroaren 20tik 27ra bitartean. Ekimen mordoa egin dituzte Euskal Herrian zehar, eta eskola euskalduntzea izan da aldarrikapen nagusia.

Ezabaketa Astearen gainean iruzkin asko sortu dira Zuzeu albistarian. Iritziak ikusi nahi badituzu, egin klik hemen.

Read more...

Anjel Lertxundik beste deitura bat jarri dio "Noentiendotarrismoari": Elefobia

Nola esaten zaie noentiendotarrek duten jarrerari?

Hona hemen Lertxundik botatako galdera: Nola deitzen zaio lur elebidun baten hizkuntza bakarreko justizia praktikatu nahi duenari, indartsua inposatu ondoren ahulari ez presiorik egieko eskatzen duenari, hizkuntza handiak eta txikiak bereizten dituenari, "habla en cristiano" esan eta praktikatzen duenari?

Anjel Lertxundik izena jarri dio Berriako "Hitz beste" zutabean: elefobia. Zutabea irakurri nahi baduzu, egin klik hemen.

Read more...

Aita batek esana: Bob Esponjak badaki euskaraz!

Sona handia izan du sarean Mikel Soto editoreak gaur8.info-n argitaratutako artikuluak. Artikuluaren izenburua, oso esanguratsua: "Bob Esponjak ez daki euskaraz".

Horren harira, aitatxo batek idatzi digu jakinarazteko Bob Esponjak badakiela euskaraz, eta horren frogak eman dizkigu, Euskarazko Produktuen Katalogotik aterata: "Nahastea ikasgelan", "Barraskiloen lasterketa handia", "Galtzaile arrosa handia", "Bob Esponja medikuarenean", "Beti zurekin", "Olatu gainean" eta abar.

Oraingoz, hori daukagu. Noizko, Bob "Belakia" euskaraz telebistan?

Katalogoa ikusteko, egin klik hemen.

Read more...

Kezkagarria da euskarazko hitz batzuk nola erabiltzen diren gaztelaniaz

Juan Jose Semaforoaren lagunak albistearen arrastoan jarri gaitu: Real Academia de la Lengua Españolak "abertzale" hitzari "nacionalista radical" adiera eman dio. Hainbat taldek kritikatu dute hori, eta esanahia aldatzeko eskatu.

Guri La Gallina Vascak egindako kritika gustatu zaigu, nahiz eta zoritxarrez gaztelaniaz bakarrik egon.

Aizue, eta gu euskaltzaleak bagara, "erradikalak" gara?

Read more...

Diruz lagundu! Zonifikazioa apurtu! (Sortzen Ikasbatuaz)

Egun , oraindik, euskal herritar askok urratuta dute euskaraz ikasteko eskubidea. Nafarroako zonalde "ez" euskaldunean kokatuta daude Mendigorria, Larraga eta Artaxoa eta beraz, herri hauetan, administrazioak ez du eskeini nahi kalitatezko hezkuntza publikoa eta euskalduna. Adibidez, 6 ume daude aurten Mendigorrian euskaraz ikastea hautatu dutenak. Hauek taxi bat hartzen dute egunero Garesko eskolara joateko eta egunean 30-35 euroko kostua dute. Ikasturte honetako 175 eskola egunetan 5.252 euroko kostua aterako zaie ume hauen gurasoei.

Segi irakurtzen

Guraso hauen eskubideak bermatzeko Euskal Herri osoan euskarak ofizialtasuna behar du. Guraso hauei irtenbide erreal bat emateko, ofizialtasuna aldarrikatu eta hurrengo urtean Mendigorrian eta Euskal Herri osoan, guraso gehiago euskaraz ikastera anima daitezen, garraioaren ordainketan diruz laguntzea pentsatu pentsatu dugu.

2010eko apirilaren 18an, 4.000 euskal herritar batzea lortu genuen eta ozen oihukatu zen zonifikazioaren aurka Artaxoa herrian.

Bost umeek, euskaraz ikasi ahal izateko beharrezkoak zituzten 5.252 euroko kopurua lortu genuen! Aurten ere bai!

Euskadiko Kutxa: 3035 0058 36 0581182278
Kontzeptua: ofizialtasuna!!!

Euskal Eskola Publiko Berriaren Alde lanean diharduen Araba, Bizkaia, Gipuzkoa eta Nafarroa Garaiko ikastetxe publiko euskaldunak biltzen dituen eskola sarea da Sortzen-Ikasbatuaz.

nafarroa@sortzen-ikasbatuaz.org
Tel.: 948221380
Jarauta kalea 32, behea
Iruñea (Nafarroa Garaia, Euskal Herria)

Read more...

Euskaldunon eskubideak eta betebeharrak (Beñat Gaztelumendi)

Beñat Gaztelumendi Semaforoan txoko pribatu bat egiteko bidean doa. Duela aste batzuk "Hizkuntzak eta eremuak" artikuluaren berri eman genuen, eta, orain, "Euskaldunon eskubideak eta betebeharrak" argitaratu du Berrian.

Segi irakurtzen

Semaforoaren ustez merezi du artikulua osorik irakurtzea, baina zati bat nabarmendu nahi dugu: "[...] saldu izan digute ez dagoela euskara babesten itsutu beharrik. Hizkuntzak gauza naturalak direla, etxean ikasten direnak. Hortik aurrera lan egitea inposizio bat dela. Kalean bakoitzak nahi duena egin behar duela. Inork ez daukala berea ez den hizkuntza bat ikasi beharrik lanean onar dezaten".

Artikulu osoa irakurtzeko, egin klik hemen.

Read more...

Zer egin euskaraz gaizki idatzitako kartelekin? Negar ala barre?

Donostiako lagun batek goiko argazkia bidali digu, salatzeko kartela hilabete dezentez egon dela denon begien aurrean eta inork ez duela ezer egin akatsa zuzentzeko.

Semaforoan, aukera hori ROBETXATU nahi dugu, honako galdera hau botatzeko: Zer egin euskaraz gaizki idatzitako kartelekin? Negar edo barre?

Gure aholkua, hauxe: halakoak aurkitzen badituzu, hartu kamera, atera argazkia eta bidali semaforora (euskararensemaforoa@gmail.com).

Read more...

Haurrak euskaraz erregistratzeko eskaerak: badago mugimendua

Duela aste batzuk Haizearen eta Iñakiren istorioaren berri eman genizuen: haurra euskaraz erregistratzeko eskaera egin zuten Andoainen, eta Semaforoa Iñakirekin egon zen, eskaeraren nondik norakoak kontatzeko.

Zorionez, haurra jaio zaie, eta dena ondo joan da. Bueno, den-dena ez da ona izan: ez diete haurra euskaraz erregistratzen utzi, liburua gaztelaniaz bakarrik dagoelako (ikusi goiko argazkia).

Gauza bera ez gertatzeko, Adunan jaioko diren bi haurren gurasoek eskaera egin dute. Euren helburua haurra euskaraz erregistratzea da, eta eskaera Hizkuntz Eskubideen Behatokira ere helarazi dute, UEMAren bidez. Aurreikuspenen arabera, bata azaroaren bukaeran jaioko da, eta bestea datorren urteko apirilean.

Gaiari buruz gehiago jakin nahi baduzu, sarean informazio dezente duzu; besteak beste, Semaforoan, Berrian, Garan eta Diario Vascon.

Read more...

Hizkuntzaren papera, etorkinak hartzean (Bernat Joan i Martí)

Etorkinak hizkuntza gutxitu bat duen herrialde batera etortzeari buruzko artikulu interesgarria dakar Administrazioa Euskaraz aldizkariak. Egilea Bernat Joan i Martí da (argazkiakoa), Kataluniako Hizkuntza Politikako idazkari nagusia. Hona hemen artikuluaren pasarte batzuk:

Segi irakurtzen

- Herrialde "normalizatuen" egoeraz: "Erabat errotutako hizkuntzak dauzkaten herrialdeen kasuan, etorkinek ez dute lanik hartzen hizkuntza ikasi edo ez ikasi pentsatzen: ikasi egiten dute eta kito.

- Herrialde "normalizatuetako" herritarrez: "Badakite etorri berriek hizkuntza orokorra berenganatuko dutela, eta immigranteak etortzeak ez duela halako arazorik eragingo arlo horretan".

- "Normalizatu gabeko herrialdeez: "Immigranteen ehuneko jakin batzuetara iristean, barneratze linguistikoaren bitarteko tradizionalak ez dira aski. Eta, orduan, irudimen handiagoa erabili behar da eta konponbide eraginkorragoak eman.

- Kataluniako egoeraz: "Harrera linguistikoa ahalik eta baldintza egokienetan arautzeko, helburu horiek lortzen lagungarri izango den lege-esparrua osatu dugu Katalunian. Akordio nazional batek (Immigraziorako Akordio Nazionala) eta lege batek (Harrera Legea) osatzen dute lege-esparrua.

- Kataluniako alderdien jarreraz: "[Akordioak eta Harrera Legeak] gobernua osatzen duten alderdien onarpena daukate (PSC-ERC-ICV), bai eta Kataluniako Parlamentuko oposizioko talde nagusiarena ere (CIU).

Artikulu osoa ikusteko, jo Administrazio Euskaraz aldizkariaren 70. alera (6-7. orrialdeetan). PDF formatuan daukazu.

OHARRA: Baten batzuek arazoak izan dituzte estekarekin. Artikulua eskuratu nahi eta ezin bazabiltzate, jarri harremanetan gurekin eta bidaliko dizugu: euskararensemaforoa@gmail.com.

Read more...

Hona hemen Amasa-Villabonako II. euskarazko bakarrizketa lehiaketaren oinarriak

Facebook bidez Amasa-Villabonako II. euskarazko bakarrizketa lehiaketaren oinarriak iritsi zaizkigu.
Hona hemen lehiaketan parte hartzeko oinarriak:

1.- Aurkeztutako bakarrizketak euskaraz interpretatuko dira.
2.- Gaia eta generoa libreak izango dira.

Segi irakurtzen

3.- Bakarrizketak antzezlearenak berarenak edo beste egile batenak izan daitezke. Testuaren egilea antzezlea ez bada egilearen izena eta orijinala den ala ez zehaztu beharko da.
4.- Bakarrizketak 10-15 minutu arteko iraupena izan behar du.
5.- Bakarrizketak urtarrilaren 14 eta otsailaren 25 bitartean aurkeztuko dira Amasa-Villabonako Gurea zine aretoan, beti ere ostiralez eta gaueko 22:30etatik aurrera.
6.- Antolakuntzak berak izendatuko du epaimahaia eta epaimahaiaren erabakiak aldaezinak izango dira.
7.- Epaileek jendaurreko aurkezpenaren arabera egingo dute beraien balorazioa.
8.- Izen ematea doakoa izango da eta izen emateko azken eguna abenduaren 17a izango da.
9.- Egile eskubideak egilearenak izango dira.

Izen ematea bakarrizketak@gmail.com helbidean egingo da.

Barrarrizketagileek honako datu hauek bidali behar dituzue:

- Izen-abizenak
- Harremanetarako telefonoa nahiz helbide elektronikoak
- Bakarrizketaren izenburua eta nondik norakoa
- Gutxi gora beherako iraupena

Sariak:

- Irabazleari 800 euro
- Bigarrenari 450 euro
- Publikoaren saria 250 euro

Parte hartzaile guztiek lehiaketaren amaieran egingo den afarirako gonbidapena izango dute.

Zalantzaren bat izanez gero, idatzi bakarrizketak@gmail.com helbide elektronikora edo deitu 653711274 telefono zenbakira.

Read more...

Tolosa: gazteen ahozkotasunaren laborategi

Mintzolak eta Tolosako Udalak gazteen ahozkotasuna ikertzeko eta sustatzeko ekimena jarri dute abian, Mintzolaren webgunean adierazten denez. Egitasmoak bi helburu ditu:

- Euskaraz eta ahoz ikastetxeetako gazteak gero eta egokiago mintzatzeko tresnak eskuratzea (batez ere, jarrerak eta konpetentzia landuz).
- Ahozko euskara izanik ikas/irakaskuntza objektu, irakaskuntza bera edo irakaste metodologiak aztertzea eta ahozko hizkuntz gazteekin lantzeko praktika onak zein diren identifikatzea.

Egitasmoa 4 urterako da, eta Jaurlaritzak eta Gipuzkoako Foru Aldundiak babesa eman diote. Aurrekontua 121.860 eurokoa da.

Informazio gehiago nahi baduzu, jo Mintzolaren webgunera.

Read more...

"Misterioa argitu arte" argitaratu du Igerabidek

Juan Kruz Igerabide adunarraren azken liburua liburu dendetan dago jada. "Misterioa argitu arte" du izenburua, eta nobela beltza da.

Egilearen esanetan, gaztetxoentzako liburua da, eta intriga, abentura eta talde egitura ditu osagai nagusiak.

Hitzan elkarrizketa egin diote Igerabideri liburuari buruz. Elkarrizketa irakurtzeko, egin klik hemen.

Read more...

"Sexua eta "Idiazabal": Horrelakoak bai direla kanpaina deigarriak!

Zuri ere atentzioa eman dizu kartelak? Orduan, lortu dute nahi zutena: kartelari begira geratzea. Zer ote da? Zer izango da, ba? Idiazabalgo Zirika Irratiak kurtso berria hasiko duela iragartzeko egin duen kartela.

Ez al genituzke halako gehiago egin beharko?

Zirika Irratiaz gehiago jakin nahi baduzu, egin klik hemen.

Read more...